عینی شاہدین نے آنکھوں دیکھا حال بتایا، اپوزیشن رہنماؤں نے واقعہ کی شدید مذمت کی

وزیر اعلیٰ ریکھا گپتا پر ہوئے حملے سے سیاسی رہنما کافی حیران ہیں۔ اپوزیشن پارٹی کے رہنماؤں نے اس سلسلے میں اپنے ردعمل کا اظہار کرتے ہوئے واقعہ کی شدید مذمت کی ہے۔

دہلی کی سابق وزیر اعلیٰ آتشی نے کہا- ’’دہلی کی وزیر اعلیٰ ریکھا گپتا پر حملہ انتہائی قابل مذمت ہے۔ جمہوریت میں عدم اتفاقی اور مخالفت کی جگہ ہوتی ہے لیکن تشدد کی کوئی جگہ نہیں ہے۔ امید ہے کہ دہلی پولیس قصورواروں کے خلاف سخت سے سخت کارروائی کرے گی۔ امید ہے کہ وزیر اعلیٰ پوری طرح سے سلامت ہیں۔‘‘