عمرہ سیزن میں 40 لاکھ ویزے جاری، پاکستان سرفہرست، انڈونیشیا اور ہندوستان بالترتیب دوسرے اور تیسرے نمبر پر

رپورٹ کے مطابق سعودی عرب کا مقصد عمرہ و زیارت کے انتظامات کو ویژن 2030 کے اہداف سے ہم آہنگ کرنا ہے، جس کے تحت ہر سال عمرہ اور زیارت کے لیے آنے والے زائرین کی تعداد میں خاطر خواہ اضافہ کیا جانا ہے۔

سعودی حکام کے مطابق عمرہ سیزن کے دوران انتظامی کارکردگی بہتر رکھنے کے لیے 30 سے زائد سرکاری و نجی ادارے ہم آہنگی کے ساتھ کام کر رہے ہیں۔ ان اداروں کا مقصد یہ یقینی بنانا ہے کہ زائرین کو رہائش، نقل و حمل، اور عبادت کے مواقع پر کسی قسم کی دشواری کا سامنا نہ ہو۔

وزارتِ حج و عمرہ نے اس توقع کا اظہار کیا ہے کہ آئندہ مہینوں میں زائرین کی تعداد مزید بڑھے گی، خاص طور پر ربیع الثانی اور جمادی الاولیٰ کے دوران، جب زیادہ تر مسلم ممالک سے زائرین کی آمد میں تیزی آتی ہے۔