عمرعبدللہ نے کہا ’میں قسم کھاتا ہوں کہ بی جے پی کے ساتھ کسی طرح کا اتحاد کرنے کی کوشش نہیں کی‘

واضح رہے کہ بڈگام سیٹ پر ضمنی انتخاب اس لیے کرایا جا رہا ہے کیونکہ عمر عبداللہ نے 2024 کے اسمبلی انتخابات میں بڈگام اور گاندربل دونوں سیٹوں پر کامیابی حاصل کی تھی۔ بعد میں انہوں نے بڈگام سیٹ استفیٰ دے دیا تھا۔ وہیں نگروٹا سیٹ بی جے پی ایم ایل اے دیویندر سنگھ رانا کے انتقال کے بعد خالی ہوئی تھی۔ جیسے جیسے 11 نومبر کی پولنگ کی تاریخ قریب آرہی ہے، سیاسی بیان بازی تیز ہوتی جارہی ہے۔ دونوں پارٹیاں ایک دوسرے پر الزامات اور جوابی الزامات کی بوچھار کر کے ماحول کو مزید گرما رہی ہیں۔