عمران پرتاپ گڑھی کی میزبانی میں دعوتِ افطار، راہل گاندھی اور ملکارجن کھڑگے سمیت متعدد قائدین شریک

سیاسی حلقوں میں اس افطار تقریب کو صرف مذہبی روایت تک محدود نہیں دیکھا جا رہا بلکہ اسے اپوزیشن جماعتوں کی ممکنہ سیاسی ہم آہنگی اور یکجہتی کے اظہار کے طور پر بھی تعبیر کیا جا رہا ہے۔ رمضان کے اس موقع پر مختلف جماعتوں کے قائدین کا ایک ساتھ جمع ہونا سیاسی مبصرین کے لیے بھی توجہ کا باعث بنا۔

کانگریس پارٹی نے بھی اس افطار تقریب کی تفصیلات سماجی رابطہ کے پلیٹ فارم پر شیئر کیں۔ پارٹی کی جانب سے جاری بیان میں کہا گیا کہ کانگریس اور انڈیا اتحاد کے سینئر قائدین نے رمضان کے بابرکت موقع پر منعقدہ افطار میں شرکت کی اور آپسی بھائی چارے اور محبت کا پیغام دیا۔