عمران خان اور بشریٰ بی بی کو 17، 17 سال قید، کروڑوں روپے جرمانہ، اسلام آباد کی عدالت نے سنایا فیصلہ

عدالت کے مطابق یہ معاملہ مئی 2021 میں عمران خان کے دورۂ سعودی عرب کے دوران موصول ہونے والے قیمتی بلغاری جیولری سیٹ سے متعلق ہے، جسے سرکاری تو شاخانہ سے انتہائی کم قیمت پر حاصل کرنے کا الزام عائد کیا گیا تھا۔ ایف آئی اے کا مؤقف تھا کہ تحائف کی خرید و فروخت میں قواعد و ضوابط کی خلاف ورزی کی گئی اور قومی خزانے کو نقصان پہنچایا گیا۔

عدالت نے عمران خان کو بدعنوانی سے متعلق قوانین کے تحت دو مختلف الزامات میں سزا سنائی۔ پاکستانی فوجداری ضابطے کی دفعہ 409 کے تحت انہیں 10 سال قیدِ سخت کی سزا دی گئی، جب کہ عوامی عہدے دار کے مجرمانہ طرزِ عمل کے الزام میں مزید 7 سال قید سنائی گئی۔ بشریٰ بی بی کو بھی انہی دونوں دفعات کے تحت مجموعی طور پر 17 سال قید کی سزا دی گئی ہے۔