عدلیہ کے حوالے سے نصابی کتاب میں متنازع باب پر این سی ای آر ٹی نے مانگی معافی، پوری کتاب واپس لینے کا اعلان

این سی ای آر ٹی کے معافی مانگنے سے پہلے مرکزی وزیر تعلیم دھرمیندر پردھان نے این سی ای آر ٹی کی کتاب پر افسوس کا اظہار کیا تھا۔ انہوں نے واضح کیا تھا کہ اس باب کو لکھنے والوں کے خلاف کارروائی کی جائے گی۔ انہوں نے اس معاملے کی تحقیقات کا مطالبہ بھی کیا۔ انہوں نے یہ بھی کہا کہ حکومت کا عدلیہ کی توہین کا کوئی ارادہ نہیں ہے۔ مرکزی وزیر تعلیم کا کہنا تھا کہ ہم عدلیہ کا انتہائی احترام کرتے ہیں۔ عدلیہ نے جو کچھ بھی کہا ہے ہم اس کی پوری طرح پابندی کریں گے۔ اس معاملے پر عدلیہ نے جو کچھ بھی کہا ہے وہ میری ذمہ داری ہے۔ جو کچھ ہوا ہے اس سے مجھے بہت دکھ ہوا ہے اور میں اس کے لیے افسوس کا اظہار کرتا ہوں۔