شرد پوار کو پونے کے اسپتال سے چھٹی، ڈاکٹروں کی تین سے چار دن آرام کی ہدایت

اسپتال میں سینے کے انفیکشن کے سبب انہیں داخل کیا گیا تھا۔ معالجین کی نگرانی میں علاج کے بعد ان کی طبیعت میں نمایاں بہتری آئی جس کے بعد ہفتے کو تقریباً ایک بجے انہیں گھر جانے کی اجازت دے دی گئی۔

ان کی صاحبزادی اور پارٹی کی کارگزار صدر سپریا سلے نے سوشل میڈیا پر جاری بیان میں کہا کہ شرد پوار کو ڈاکٹروں نے تین سے چار دن مکمل آرام کرنے کی ہدایت دی ہے۔ انہوں نے بتایا کہ وہ گھر پر قیام کے دوران آرام کریں گے اور اس کے بعد مرحلہ وار اپنے روزمرہ کے کام کاج کا آغاز کریں گے۔