شاستری نگر سینٹرل مارکیٹ سیل، 40 برس کے خواب مسمار، 40 ہزار افراد کی روزی روٹی پر تالا

ٹیم جب ڈاکٹر اشوک گرگ کے کلینک پر پہنچی تو انہوں نے سامان نکالنے کے لیے وقت مانگا۔ اس دوران دوسری ٹیم نے وردھمان اسپتال، باکسی پارک ریسٹورنٹ اور ویئر ہاؤس پر سیلنگ کی کارروائی کی۔ اس دوران سمیت نرسنگ ہوم کے سامنے واقع کمرشل کمپلیکس (30+ دکانیں) کو سیل ہوتے دیکھ کر لوگ تڑپ اٹھے۔ وہیں ستیش ڈھاکا کا کمپلیکس بپی سیل کیا گیا جس میں نشہ چھڑانے کے لیے ایک سینٹر اور ایج درجن سے زائد دکانیں تھیں۔ کئی دکاندار جنہوں نے دکانیں پیچھے کرکے شٹر بھی لگا لیئے تھے، ان سے بھی خوب بحث ہوئی۔ موقع پر دکانداروں کے خاندانوں کی کئی خواتین کے آنسو تھم نہیں رہے تھے۔ کوئی چھوٹے دکاندار ہاتھ جوڑے خاندان کی روزی روٹی کی دُہائی دیتے رہے لیکن سیلنگ ٹیم نے ان کی ذرا بھی پرواہ نہیں کی۔