سونیا، راہل اور کھڑگے سمیت کانگریس قائدین کی ’شکتی استھل‘ پر حاضری اور خراج تحسین

تقریب میں اے آئی سی سی کے جنرل سکریٹری (آرگنائزیشن) کے سی وینوگوپال اور دیگر مرکزی و ریاستی سطح کے رہنماؤں نے بھی شرکت کی۔ رہنماؤں نے اندرا گاندھی کی آخری آرام گاہ پر پھول چڑھائے اور خاموشی اختیار کرتے ہوئے انہیں قوم کی تعمیر، قومی سلامتی اور عالمی وقار کی بحالی کے لیے ان کی خدمات پر خراجِ تحسین پیش کیا۔

کانگریس نے اس موقع کو ’تقریبِ یاد‘ قرار دیتے ہوئے کہا کہ اندرا گاندھی کا یومِ پیدائش نہ صرف ایک تاریخی لمحہ ہے بلکہ ہندوستانی سیاست میں ان کی مضبوط قیادت اور فیصلہ کن کردار کو یاد کرنے کا دن بھی ہے۔ پارٹی کے مطابق اندرا گاندھی کا سیاسی سفر ہندوستان کی خودمختاری، خودکفالت اور قومی عزم کی علامت رہا۔