زوبین گرگ موت معاملہ میں سنگاپور کورٹ کا سازش سے انکار

قابل ذکر ہے کہ ’یا علی‘ فیم گلوکار زوبین گرگ ’نارتھ ایسٹ انڈیا فیسٹیول‘ کے کلچرل برانڈ ایمبیسڈر کے طور پر سنگاپور گئے تھے۔ وہاں انہیں فیسٹیول میں شرکت کرنی تھی، لیکن اس سے ٹھیک پہلے وہ دوستوں کے ساتھ ’یاٹ‘ پر گھومنے اور پارٹی کرنے گئے۔ بتایا جاتا ہے کہ اس سیر کا اہتمام ’آسام ایسوسی ایشن سنگاپور‘ کے اراکین نے کیا تھا۔ پانی میں بغیر لائف جیکٹ کودنے کے بعد وہ تیراکی کے دوران بے ہوش ہو گئے۔ انہیں فوری طور پر سنگاپور جنرل اسپتال لایا گیا، جہاں انہیں مردہ قرار دے دیا گیا۔ سنگاپور کے حکام نے ڈیتھ سرٹیفکیٹ میں موت کی وجہ ’ڈوبنا‘ بتائی ہے۔