ریلوے قوانین میں ہونے والی ہے بڑی تبدیلی! جہاں سے لیا ٹکٹ وہیں سے کرنا ہوگا سفر

ریلوے کے اعداد و شمار کے مطابق ہر ٹرین میں تقریباً 3 سے 5 فیصد مسافر یا تو اپنا سفر منسوخ کر دیتے ہیں یا وقت پر اپنے بورڈنگ اسٹیشن تک پہنچنے میں ناکام رہتے ہیں۔ ماہرین کا کہنا ہے کہ ایسے مسافروں کو اب مزید چوکس رہنے کی ضرورت ہوگی۔ اگر کسی وجہ سے مسافر طے شدہ اسٹیشن کی بجائے کسی اگلے اسٹیشن پر سوار ہوتا ہے تو چارٹ بننے سے کم سے کم 24 گھنٹے پہلے بورڈنگ اسٹیشن تبدیل کرنا ضروری ہوگا۔ ایسا نہ کرنے پرسیٹ کسی دوسرے مسافر کو الاٹ ہو جائے گی اور مسافر اس کا دعویٰ بھی نہیں کر سکے گا۔ تاہم ریلوے کا خیال ہے کہ یہ فیصلہ ڈیجیٹلائزیشن کی سمت میں بڑا قدم ہے۔ اس سے سیٹ ایلوکیشن کا عمل مکمل طور پر شفاف ہو جائے گا اور خالی سیٹوں کے بارے میں تاخیر اور شکایات میں کمی آئے گی۔