ریلوں میں بھیڑ پر راہل گاندھی کا حملہ، پوچھا- ’12 ہزار خصوصی ٹرینوں کا دعویٰ کہاں گیا؟‘

راہل گاندھی نے حکومت سے سوال کیا، ’’کہاں ہیں وہ 12 ہزار خصوصی ٹرینیں جن کا دعویٰ کیا گیا تھا؟ ہر سال حالات بدتر کیوں ہوتے جا رہے ہیں؟ آخر بہار کے عوام کو ایسے ذلت آمیز حالات میں گھر لوٹنے پر کیوں مجبور کیا جا رہا ہے؟‘‘

قابل ذکر ہے کہ ریلوے کی وزارت نے حال ہی میں اعلان کیا تھا کہ یکم اکتوبر سے 30 نومبر 2025 تک 12,011 خصوصی ریل گاڑیاں چلائی جائیں گی تاکہ تہواروں کے دوران بڑھتی ہوئی بھیڑ کو سنبھالا جا سکے۔ وزارت کے مطابق ملک کے مختلف حصوں سے روزانہ اوسطاً 196 خصوصی ٹرینیں چلائی جا رہی ہیں۔