روس سے تیل اور گیس کی خرید بند کردیں، جنگ روکنے کے لیے یوکرینی صدر کی یورپی ممالک سے گزارش

سوشل میڈیا سائٹ ’ایکس‘ پر اپنی بات رکھتے ہوئے یوکرینی صدر نے یورپ کے ملکوں سے روسی تیل، گیس خرید کو بند کرنے کی گزارش کرتے ہوئے لکھا، ’’یورپ کو روس سے تیل اور گیس کی درآمد بند کر دینی چاہیے۔ روس یہ سارا پیسہ سیدھے جنگ میں استعمال کرتا ہے۔ ہمیں حالیہ دنوں میں روس کے اندر حکومت کی سماجی حمایت میں اضافہ نظر نہیں آیا ہے۔ اس کا مطلب ہے کہ یہ سارا پیسہ جنگ میں خرچ کیا جا رہا ہے۔ اگر جنگ کے لیے پیسے کی کمی ہوگی تو روسی قیادت پر لوگوں کی سماجی حمایت مزید کم ہو جائے گی، لوگ غیر مطمئن ہو جائیں گے۔ ایسے میں روسی قیادت پریشان ہو جائے گی۔ تاریخ گواہ ہے، بھوک کے فسادات کے بعد روس ہمیشہ ہی بدلتا رہا ہے۔ یہی بات انہیں خوفزدہ کرتی ہے۔‘‘

دراصل یوکرینی صدر زیلنسکی نے یہاں پر روس کے انقلاب کی طرف اشارہ کیا ہے جس میں غریب عوام نے مل کر روسی زار حکومت کا خاتمہ کر دیا تھا۔