رمضان میں بنائیں خوشبودار قیمہ پلاؤ، پیش خدمت ہے مکمل ترکیب

بنانے کا طریقہ

سب سے پہلے چاولوں کو اچھی طرح دھو کر تقریباً 30-20 منٹ کے لیے بھگو دیں۔ ایک دیگچی میں تیل یا گھی گرم کریں اور اس میں زیرہ، دارچینی، لونگ، بڑی و سبز الائچی اور تیز پتہ ڈال کر ہلکا سا تلیں۔ اب کٹی ہوئی پیاز ڈال کر سنہری ہونے تک فرائی کریں۔ اس کے بعد ادرک لہسن کا پیسٹ ڈال کر ایک منٹ بھونیں۔ قیمہ شامل کریں اور اچھی طرح بھونیں یہاں تک کہ اس کا رنگ بدل جائے۔ اب نمک، لال مرچ، ہلدی اور دہی ڈال کر چند منٹ تک پکائیں۔ اگر چاہیں تو کٹا ہوا ٹماٹر اور ہری مرچ بھی شامل کریں اور تھوڑی دیر دَم دیں۔ اب اس میں بھگوئے ہوئے چاول اور پانی شامل کریں اور اچھی طرح ملا دیں۔ درمیانی آنچ پر پکائیں جب تک پانی تقریباً خشک نہ ہو جائے۔ آخر میں ہرا دھنیا اور پودینہ ڈال کر ہلکی آنچ پر 10 منٹ دَم دے دیں۔

آپ کا خوشبودار اور لذیذ قیمہ پلاؤ تیار ہے۔ اب اس قیمہ پلاؤ کو گرم گرم رائتہ، سلاد یا اچار کے ساتھ پیش کریں۔