راہل گاندھی کا بی جے پی-ایل ڈی ایف گٹھ جوڑ کا الزام، یو ڈی ایف کی 5 ضمانتوں کا اعلان

کیرالہ کے ضلع اڈور میں ایک کارنر میٹنگ سے خطاب کرتے ہوئے کانگریس کے سینئر رہنما راہل گاندھی نے ریاست کی سیاست میں بی جے پی اور لیفٹ ڈیموکریٹک فرنٹ (ایل ڈی ایف) کے درمیان گٹھ جوڑ کا الزام عائد کیا اور کہا کہ یہ اتحاد دراصل پردے کے پیچھے کام کر رہا ہے۔ انہوں نے دعویٰ کیا کہ اس انتخاب میں حقیقی مقابلہ یونائیٹڈ ڈیموکریٹک فرنٹ (یو ڈی ایف) اور بی جے پی-ایل ڈی ایف کے غیر اعلانیہ اتحاد کے درمیان ہے۔

راہل گاندھی نے اپنے خطاب میں کہا کہ بی جے پی ملک بھر میں صرف کانگریس سے نظریاتی اختلاف رکھتی ہے، جبکہ ایل ڈی ایف قومی سطح پر بی جے پی کے لیے کوئی چیلنج نہیں ہے۔ ان کے مطابق، اگر دہلی میں بی جے پی اور کیرالہ میں ایل ڈی ایف اقتدار میں رہیں تو ریاست مکمل طور پر بی جے پی کے اثر میں آ جاتی ہے۔