رام لیلا میدان سے الیکشن کمشنروں کو راہل گاندھی کی کھلی وارننگ

راہل گاندھی نے کہا کہ ملک میں دو نظریات کے درمیان جنگ چل رہی ہے۔ ایک آر ایس ایس کا نظریہ ہے جو سچائی کے خلاف ہے اور اقتدار کے لیے کچھ بھی کرے گا۔ دوسرا کانگریس کا نظریہ ہے جس کی بنیاد سچائی اور عدم تشدد پر ہے۔ مرکزی وزیر داخلہ امت شاہ کو نشانہ بناتے ہوئے راہل گاندھی نے کہا کہ پارلیمنٹ میں ان کے جواب کے دوران ان کی گھبراہٹ صاف دکھائی دے رہی تھی۔ انہوں نے دعویٰ کیا کہ اقتدار کے ہاتھ سے نکلتے ہی بی جے پی لیڈروں کی نام نہاد ‘بہادری’ بھی ختم ہو جائے گی۔