راجیہ سبھا میں گونجا ناقص کف سیرپ کا مسئلہ، خوراک میں ملاوٹ پر بھی سخت کارروائی کا مطالبہ

اسی دوران وقفہ صفر میں کانگریس کے رکنِ پارلیمنٹ نیرج ڈانگی نے بینک انشورنس گارنٹی کا مسئلہ اٹھاتے ہوئے کہا کہ موجودہ نظام کے تحت کسی بینک کے ڈوبنے کی صورت میں کھاتہ دار کو زیادہ سے زیادہ پانچ لاکھ روپے کا انشورنس ملتا ہے، جو ناکافی ہے۔ انہوں نے کہا کہ جن لوگوں کے کھاتوں میں پانچ لاکھ روپے سے زیادہ رقم ہوتی ہے، ان میں اکثر بزرگ شہری شامل ہوتے ہیں جو اپنی روزمرہ زندگی انہی جمع پونجی پر گزارتے ہیں۔ ایسے میں اگر کوئی بینک ناکام ہوتا ہے تو ان کے سامنے شدید مالی بحران کھڑا ہو جاتا ہے۔

ڈانگی نے اس انشورنس گارنٹی کو بڑھا کر کم از کم پچیس لاکھ روپے کرنے کا مطالبہ کیا، تاکہ کھاتہ داروں خصوصاً بزرگ شہریوں کو بہتر تحفظ فراہم ہو سکے۔