دہلی ۔این سی آر میں آلودگی کے ساتھ سردی کا بھی ستم، ہوا کا معیار انتہائی خراب،330 ہوگیا اے کیو آئی

دہلی۔ این سی آر میں آلودگی کے ساتھ ہی لوگوں کو شدید سردی کا بھی سامنا ہے۔ پہاڑوں پر برفباری کا سلسلہ جاری ہے اور میدانی علاقوں میں اس کے اثرات محسوس کیے جا رہے ہیں۔ اس دوران 10 سے 12 کلومیٹر فی گھنٹہ کی رفتار سے چلنے والی ہواؤں نے شہر میں سردی میں مزید اضافہ کر دیا ہے۔ فی الحال کم سے کم درجہ حرارت 5 ڈگری پر برقرار ہے وہیں محکمہ موسمیات نے آئندہ چند روز کے لیے سردی کی لہر کا الرٹ بھی جاری کر دیا ہے۔