دہلی کو بوندا باندی سے نہیں ملی راحت، آگ کی بھٹی بنا مشرقی ہندوستان، گرم لہر کے لیے الرٹ جاری

جھانسی میں درجہ حرارت 44.9، وارانسی میں 44.7، ہمیر پور میں 44.6 اور سلطان پور میں 44.4 رہا۔ محکمہ موسمیات کے مطابق 3 روز تک شدید گرمی کا ریڈ الرٹ جاری ہے۔ حالانکہ 6 دن بعد ہلکی یا درمیانی بارش ہوسکتی ہے۔ دریں اثناء شدید گرمی کی لہر کی زد میں آنے والے تلنگانہ میں اس موسم میں اب تک گرمی کے سبب 16 اموات ہوئی ہیں۔ اگلے 4 دنوں تک جنوبی حصوں، شمال مشرقی ریاستوں اور مشرقی ہندوستان کے ملحقہ ساحلی علاقوں میں بھی موسلہ دھار بارش کی توقع ہے۔ نیوی ممبئی میں خراب موسم کی وجہ سے انڈیگو کی فلائٹ کو شرڈی کی طرف موڑنا پڑا۔