دہلی میں فضائی آلودگی پھیلانے والوں کو بھاری جرمانہ ادا کرنا ہوگا!

دہلی میونسپل کارپوریشن نے واضح طور پر کہا ہے کہ قواعد کی خلاف ورزی کرنے والوں کے خلاف سخت کارروائی کی جائے گی۔ نیشنل گرین ٹربیونل کے رہنما خطوط کے مطابق آلودگی پھیلانے والوں کو5,000 روپےسے 50,000  روپے تک کے جرمانے کا سامنا کرنا پڑ سکتا ہے۔ کارپوریشن کی ٹیمیں تعمیراتی مقامات، صنعتی علاقوں اور سڑک کے کنارے کچرا جلانے جیسے واقعات کی مسلسل نگرانی کر رہی ہیں۔ دھول کو کنٹرول کرنے کے لیے 3,400 کلومیٹر مین سڑکوں پر 52 مکینیکل روڈ سویپر تعینات کیے گئے ہیں۔ اس کے علاوہ لینڈ فل سائٹس پر 167 واٹر اسپرینکلرز، 28 موبائل اینٹی سموگ گنز، 20 سٹیشنری اینٹی سموگ گنز اور 15 اینٹی سموگ گنیں نصب کی گئی ہیں۔