دہلی میں سردی کی دستک! رات بھر ہوتی رہی بارش، کیسا رہے گا آنے والے دنوں میں موسم کا حال؟

پیر کے روز سے جاری بارش سے دہلی کی ہوا اور ماحولیات کو بھی بڑی راحت ملی ہے۔ مرکزی آلودگی کنٹرول بورڈ (پی سی بی) کے مطابق پیر کو قومی راجدھانی کا ایئر کوالٹی انڈیکس (اے کیو آئی) 105 پر ریکارڈ کیا گیا، جو ’معتدل ‘ زمرے میں آتا ہے۔ 5 اکتوبر کو یہ 159 پر تھا، صرف 24 گھنٹوں میں 54 پوائنٹس کی گراوٹ درج کی گئی ہے۔ محکمہ موسمیات کا کہنا ہے کہ موجودہ بارش، تیز ہواؤں اور ابر آلود آسمان کے باعث آئندہ چند روز تک ہوا صاف رہ سکتی ہے۔