دہلی عدالت کا حکم، لوتھرا برادران ٹرانزٹ ریمانڈ پر گوا روانہ

عدالت میں پیشی سے قبل دونوں ملزمین کو طبی جانچ کے لیے بھیجا گیا۔ پولیس کے مطابق، لوتھرا برادران کو تھائی لینڈ سے ہندوستان ڈی پورٹ کیا گیا تھا، جس کے بعد گوا پولیس کی ٹیم نے دہلی ایئرپورٹ پر انہیں حراست میں لیا۔ شمالی گوا کے اس نائٹ کلب میں آگ لگنے کے بعد ملزمین کے بیرونِ ملک جانے کے معاملے نے بھی تفتیش کو نئی سمت دی، جس پر تفتیشی ایجنسیاں باریک بینی سے غور کر رہی ہیں۔

ایئرپورٹ پر گرفتاری کے وقت دونوں بھائی چہروں پر ماسک لگائے نظر آئے۔ اس دوران گوا پولیس نے ملزمین کی تصاویر بھی جاری کیں۔ حکام کے مطابق، تھائی حکام نے ہندوستانی قانون نافذ کرنے والی ایجنسیوں کی درخواست پر لوتھرا برادران کو اپنی تحویل میں لیا تھا، جس کے بعد انہیں دہلی منتقل کیا گیا۔