دہلی حکومت کا یو ٹرن! پرانی گاڑیوں پر ایندھن کی پابندی کا فیصلہ واپس

وزیر ماحولیات منجندر سرسا نے ایک پریس کانفرنس میں بتایا کہ حکومت پرانی لیکن اچھی حالت میں رکھی گئی نجی گاڑیوں کے مالکان کو سزا دینا نہیں چاہتی۔ البتہ خراب حالت میں موجود یا زیادہ آلودگی پھیلانے والی گاڑیوں کو ضبط کرنے کی کارروائی جاری رہے گی۔

واضح رہے کہ سی اے کیو ایم نے دہلی میں بڑھتی ہوئی آلودگی کے پیش نظر پرانی گاڑیوں پر پابندی کا حکم دیا تھا، جس سے اندازاً 60 لاکھ گاڑیاں متاثر ہوتیں، جن میں دو پہیہ، کاریں، ٹرک اور ونٹیج گاڑیاں شامل ہیں۔