دھیریندر شاستری کی یاترا کے ذریعہ اپنا ایجنڈا پورا کر رہی بی جے پی، سوامی پرساد موریہ کا سنگین الزام

سوامی پرساد موریہ نے دعویٰ کیا کہ ڈبل انجن والی حکومت ہر محاذ پر ناکام ہوچکی ہے اور ریاست میں جنگل راج پھیلا ہوا ہے۔ انہوں نے الزام لگایا کہ نصف درجن سے زائد وزراء عوامی طور سے شکایت کرچکے ہیں کہ محکمہ جاتی افسران ان کی بات تک نہیں سنتے، تو عام لوگوں کی حالت زار کا اندازہ لگایا جاسکتا ہے۔ سوامی پرساد موریہ نے کہا کہ ان کی پارٹی جلد ہی ریاست بھر میں تنظیمی توسیع کی رفتارکو تیز کرے گی اور آئندہ انتخابات میں بی جے پی کو اقتدار سے بے دخل کرنے کے لیے کام کرے گی۔