درگا پنڈال میں گھس گئی تیز رفتار بس، 20 زخمیوں میں متعدد کی حالت تشویشناک

اطلاع کے مطابق اس حادثے میں شدید زخمیوں کو سیہورا سے جبل پور میڈیکل کالج منتقل کیا گیا ہے۔ حادثے کی اطلاع ملتے ہی سیہورا پولیس جائے وقوعہ پر پہنچی اور حالات کو قابو میں کیا۔ پنڈال میں موجود لوگ حادثے سے اتنے مشتعل ہوئے کہ انہوں نے بس کو آگ لگانے کی کوشش کی۔ پولیس کو بھیڑ کو پرسکون کرنے اور ان کے غصے پر قابو پانے کے لیے بڑی مشقت کرنا پڑی، بصورت دیگر حالات کافی بگڑ سکتے تھے۔