خصوصی گہری نظرثانی معاملہ پر جنتا دل یو رکن پارلیمنٹ اور رکن اسمبلی بھی فکر مند، طریقۂ کار پر اٹھائے سوال

جنتا دل یو رکن اسمبلی ڈاکٹر سنجیو نے بھی گردھاری یادو کے بیان کی حمایت کی ہے۔ انھوں نے کہا کہ میرے اسمبلی حلقہ میں بہت سارے ایسے ووٹرس ہیں جو باہر رہ کر مزدوری کرتے ہیں۔ ایسے لوگ اپنا فارم نہیں بھر پا رہے ہیں۔ ڈاکٹر سنجیو کا کہنا ہے کہ بڑی تعداد میں مہاجر مزدور ملک کی دوسرے شہروں میں گھوم گھوم کر کام کرتے ہیں۔ نہ انھوں نے اب تک فارم بھرا ہے، اور نہ ہی ان سے رابطہ ہو پا رہا ہے۔ اتنے کم وقت میں ایس آئی آر مکمل ہو ہی نہیں سکتا ہے۔ ایسے میں بہت سارے اہل لوگوں کے نام ووٹر لسٹ سے کٹنا طے ہے۔ انھوں نے یہ بھی کہا کہ اس کا نقصان کسی ایک پارٹی کو نہیں، بلکہ سبھی پارٹیوں اور لیڈران کو ہوگا۔