حقوق نسواں کی مسلسل پامالی

یو این ویمن کی غیر متزلزل جدوجہد

افغانستان میں ’یو این ویمن‘کی موجودگی ایک عجیب تضاد کی عکاسی کرتی ہے۔ ایک طرف طالبان نے افغان خواتین عملے اور ٹھیکیداروں کے اقوام متحدہ کے دفاتر میں داخلے پر پابندی عائد کر رکھی ہے، اور دوسری طرف زمینی حقیقت یہ ہے کہ خواتین تک امداد پہنچانے کا فریضہ صرف خواتین ہی سرانجام دے سکتی ہیں۔ اس ادارہ جاتی رکاوٹ کے باوجود، یو این ویمن نے پیچھے نہ ہٹنے کا غیر متزلزل عزم ظاہر کیا ہے۔

یو این ویمن کی ایک اعلیٰ عہدیدار سوزن فرگوسن کے مطابق، سال 2025 میں اس ادارے نے کٹھن حالات کے باوجود 3 لاکھ 50 ہزار سے زائد خواتین اور لڑکیوں تک زندگی بچانے والی خدمات پہنچائیں اور تقریباً 200 ایسی سول سوسائٹی تنظیموں کی پشت پناہی کی جن کی باگ ڈور خواتین کے ہاتھ میں ہے۔ یہ اس بات کا ثبوت ہے کہ جہاں ریاست دروازے بند کرتی ہے، وہاں انسانی ہمدردی کے جذبے نئے راستے تلاش کر لیتے ہیں۔ فرگوسن کا موقف ہے کہ پابندیوں اور جاری تنازعات کے باوجود، حالات چاہے کچھ بھی ہوں، یو این ویمن افغانستان میں اپنی خدمات کی فراہمی جاری رکھے گی۔