جے رام رمیش کا حکومت سے سوال، ’کیا چھپا رہے ہیں وزیر اعظم مودی؟‘

کانگریس پارٹی کے جنرل سکریٹری جے رام رمیش نے بدھ کے روز کہا کہ یہ صاف ہے کہ زرعی سامان کی درآمد کو آزاد بنانے کے لیے رعایتیں دی گئی ہیں۔ درحقیقت اس معاہدے کے حوالے سے مودی حکومت اور امریکہ کے دعوے مختلف ہیں۔

کانگریس لیڈر رمیش نے ’ایکس‘ پر پوسٹ کرکے کہا کہ امریکی صدر ڈونالڈ ٹرمپ کے ذریعہ یہ کہے جانے کے 36 گھنٹے گزرچکے ہیں کہ ہندوستان-امریکہ تجارتی معاہدے کا اعلان وزیر اعظم مودی کی درخواست پر کیا گیا اور یہ فوری طور پر نافذ ہو رہا ہے۔