جے رام رمیش نے اسے سیاست میں ’تبدیلی کا سنگ میل‘ قرار دیا

نئی دہلی: کانگریس کے سینئر لیڈر جے رام رمیش نے اتوار کو ’بھارت جوڑو یاترا‘ کی تیسری برسی کے موقع پر اسے ہندوستانی سیاست میں ایک ’تبدیلی کا سنگ میل‘ قرار دیا۔ انہوں نے کہا کہ اس یاترا نے نہ صرف کانگریس کو نئی توانائی بخشی بلکہ عوامی مسائل کو اجاگر کر کے قومی سطح پر ایک نئی بحث کو جنم دیا۔

جے رام رمیش نے ایکس (سابقہ ٹوئٹر) پر اپنے پیغام میں یاد دلایا کہ تین سال قبل یہ یاترا کنیا کماری سے شروع ہوئی تھی۔ آغاز میں کانگریس رہنما راہل گاندھی نے سوامی ویویکانند راک میموریل اور دیگر تاریخی مقامات پر حاضری دی، جس کے بعد ایک عظیم عوامی اجتماع کے ساتھ اس کا باقاعدہ افتتاح ہوا۔