جین مونی کا آج سے انشن کا اعلان، مراٹھی تنظیم کا مارچ، کشیدگی بڑھنے کا خدشہ

جین مونی نے اپنے ایک بیان میں کہا، ’’میں نے کہا کہ ہم ہتھیار اٹھائیں گے، اس کا مطلب پُرامن احتجاج ہے۔ جین مونی کبھی تشدد کا سہارا نہیں لیتے۔ یہ محض غلط فہمی ہے۔‘‘ ان کے مطابق پورا جین سماج کبوتروں کو دانہ ڈالنے کے حق میں متحد ہے اور ملک بھر سے لوگ اس تحریک میں شامل ہوں گے۔

ادھر ’مراٹھی ایکی کرن سمیتی‘ نے بھی 13 اگست کو دادر کبوترخانہ میں احتجاجی مارچ کا اعلان کیا ہے۔ ان کا مطالبہ ہے کہ کبوتروں کو دانہ ڈالنے پر پابندی برقرار رکھی جائے اور تمام کبوترخانے بند کیے جائیں۔ یہ اعلان اس وقت سامنے آیا جب گزشتہ ہفتے جین برادری کے افراد نے کبوترخانہ بند کرنے کے خلاف احتجاج کیا، حفاظتی جالی ہٹا کر کبوتروں کو دانہ ڈالا اور اس طرح عدالت کے حکم کی خلاف ورزی کی۔