جنوبی افریقہ کا ٹاس جیت کر پہلے گیندبازی کا فیصلہ، ہندوستان کی شاندار شروعات

ہندوستانی ٹیم کی پلیئنگ الیون میں شیفالی ورما، سمرتی مندھانا، جمائمہ روڈریگز، ہرمن پریت کور (کپتان)، رچا گھوش (وکٹ کیپر)، دیپتی شرما، امانجوت کور، رادھا یادو، کرانتی گاؤد، شری چرنی اور رینوکا سنگھ شامل ہیں۔

جنوبی افریقہ کی جانب سے لورا وولوارٹ (کپتان)، تزمین برٹس، انیکے بوش، سنے لوس، میریزن کیپ، اینری ڈرکسن، سنالو جافتا (وکٹ کیپر)، کلوی ٹراین، نادین ڈیکلرک، ایابونگا کھاکا اور نونکولولیکو ملابا میدان میں اتری ہیں۔

یہ فائنل دونوں ٹیموں کے لیے تاریخی موقع ہے کیونکہ دونوں ہی پہلی مرتبہ عالمی خطاب جیتنے کے قریب ہیں۔ ہندوستان نے دو بار (2005 اور 2017) فائنل تک رسائی حاصل کی تھی لیکن کامیابی نہیں ملی۔ گھریلو حالات اور شائقین کی بھرپور حمایت کے ساتھ ہندوستانی ٹیم نے شروعاتی اوورز میں اپنی برتری واضح کر دی ہے، جبکہ جنوبی افریقہ کو میچ میں واپسی کے لیے وکٹوں کی اشد ضرورت ہے۔