جموئی کی پشپانجلی اور ویشالی کی صبرین پروین نے کیا ٹاپ

واضح رہے کہ اس بار سب سے زیادہ طلبہ سیکنڈ ڈویژن میں کامیاب ہوئے ہیں۔ بہار بورڈ کی جانب سے فراہم کردہ معلومات کے مطابق اس بار 15,10,928 طلبہ نے 10ویں بورڈ کے امتحان دیے تھے۔ ان میں 7,26,057 لڑکے اور 7,84,871 لڑکیاں شامل تھیں۔ بورڈ نے بتایا ہے کہ ان میں سے کل 12,35,743 طلبہ کامیاب ہوئے ہیں، جن میں 6,34,353 لڑکیاں اور 6,01,390 لڑکے پاس ہوئے ہیں۔ مجموعی شرحِ کامیابی کی بات کی جائے تو لڑکیوں کے پاس ہونے کا تناسب زیادہ رہا ہے۔