جمعیۃ علماء ہند کے وفد کی شاہی امام سید احمد بخاری سے ملاقات، والدہ کے انتقال پر تعزیت

ملاقات کے دوران مولانا سید احمد بخاری نے بتایا کہ ان کی والدہ کی عمر 95 برس تھی اور وہ الحمدللہ آخری وقت تک صحت مند تھیں۔ وفد نے مرحومہ کے لیے دعائے مغفرت کرتے ہوئے اہلِ خانہ کے ساتھ اپنی مکمل ہمدردی اور خیرخواہی کا اظہار کیا۔ اس موقع پر نائب امام مولانا شعبان بخاری سے بھی ملاقات ہوئی اور ان سے بھی تعزیت کا اظہار کیا گیا۔

جمعیۃ علماء ہند کے اس وفد میں مولانا محمد عظیم اللہ صدیقی (سیکرٹری جمعیۃ علماء ہند)، سینئر آرگنائزر مولانا ضیاء اللہ قاسمی، ناظم جمعیۃ علماء ضلع نئی دہلی اسد میاں، آرگنائزر جمعیۃ علماء ہند مفتی احسان قاسمی سمیت دیگر ذمہ داران شامل تھے۔