جب ہند-امریکہ تجارتی معاہدہ کی تفصیل سامنے آئے گی، تو ہندوستانی کسانوں کا خسارہ بھی ظاہر ہو جائے گا: کانگریس

جئے رام رمیش کا کہنا ہے کہ ہندوستان اور امریکہ کے درمیان ہوئے تجارتی معاہدہ سے ہندوستانی کسانوں کو کتنا نقصان ہوگا، اس کے بارے میں صحیح جانکاری تبھی مل سکے گی، جب معاہدہ کے اصول و ضوابط اور دیگر تفصیلات سامنے آئیں۔ وہ سوشل میڈیا پوسٹ میں لکھتے ہیں کہ ’’جب معاہدے کی پوری تفصیل سامنے آئے گی، تو ہندوستانی کسانوں کو ہونے والا حقیقی نقصان بہت دردناک طریقے سے صاف ہو جائے گا۔‘‘