تھلاپتی وجے کی فلم ’جن نایگن‘ کی ریلیز پر تنازعہ، سپریم کورٹ 15 جنوری کو کرے گا سماعت

بعد ازاں مرکزی فلم سرٹیفکیشن بورڈ نے فلم کو ری وائزنگ کمیٹی کے حوالے کر دیا، جس پر اعتراض کرتے ہوئے فلم کے پروڈیوسرز نے مدراس ہائی کورٹ سے رجوع کیا۔ 9 جنوری کو ہائی کورٹ کی سنگل بنچ، جسٹس پی ٹی آشا نے سینسر بورڈ کو فوری طور پر فلم ’جن نایگن‘ کے لیے یو اے سرٹیفکیٹ جاری کرنے کا حکم دیا۔ عدالت نے اپنے فیصلے میں کہا کہ شکایات پر بار بار غور کرنا ایک تشویشناک رجحان کو فروغ دے سکتا ہے۔

تاہم اسی دن سینسر بورڈ نے ہائی کورٹ کی ڈویژن بنچ میں اپیل دائر کر دی، جس نے سنگل بنچ کے حکم پر روک لگا دی۔ ڈویژن بنچ کا کہنا تھا کہ بورڈ کو اپنا موقف پیش کرنے کا پورا موقع نہیں دیا گیا تھا۔ اس عدالتی روک کے بعد فلم کی ریلیز، جو 9 جنوری کو طے تھی، غیر یقینی صورت حال سے دوچار ہو گئی۔