توانائی کے بعد کھاد کا بحران، دنیا کے غذائی نظام کو خطرہ

قطر انرجی نے بھی دنیا کے سب سے بڑے یوریا پلانٹ میں پیداوار روک دی۔ اس کی وجہ سے ہندوستان کو 3 یوریا پلانٹس اور دنیا کے دیگر ممالک کو بھی پیداوارکم کرنا پڑا ہے۔ یہ بحران ایسے وقت میں آیا ہے جب شمالی نصف کرہ میں بوائی کا موسم (وسط فروری تا مئی) چل رہا ہے۔ تجارتی زراعت میں اچھی پیداوار کے لیے کھاد بہت ضروری ہوتی ہے۔ ایشیائی ممالک خلیجی خطے سے آنے والی کھاد پر بہت زیادہ انحصار کرتے ہیں۔ ایشیا کو خلیج سح 35 فیصد یوریا، 53 فیصد سلفر اور 64 فیصد امونیا برآمد ہوتی ہے۔ ہندوستان، برازیل اور چین جیسے بڑے زرعی پیدا کنندگان خاص طور پر ان سپلائیز پر منحصر ہیں اور یہ متاثر ہوں گے۔