بے روزگاری بڑھانے میں مودی حکومت ’دھورندھر‘، اس کے پاس مسئلہ کا کوئی حل موجود نہیں: کانگریس

کانگریس جنرل سکریٹری کا کہنا ہے کہ ’’2017 میں جہاں 58 فیصد نوجوانوں نے گھر کی آمدنی میں مدد کے لیے تعلیم چھوڑ دی، وہیں 2023 میں یہ تعداد بڑھ کر 72 فیصد ہو گئی۔ ایسی کئی دیگر رپورٹس بھی مسلسل سامنے آ چکی ہیں۔‘‘ جئے رام رمیش نے طنزیہ انداز میں کہا کہ ’’ملک کی عوام کو قطار میں کھڑا کرنے میں ماہر اس حکومت میں نوجوان نوکری کی لائن میں کھڑا ہے، لیکن نوکری نہیں ہے۔ وزیر اعظم کے پاس ہر کچھ دن بعد توجہ ہٹانے کے لیے نیا ایجنڈا لانے کے سوا اس بڑے بحران کا کوئی حل نہیں ہے۔‘‘