بی جے پی کی کم فرق سے ہار جیت والی نشستوں پر ووٹروں کے نام خارج کرانے کی کوشش: تیجسوی یادو

انہوں نے مزید لکھا، ’’اگر ان 7 لاکھ 90 ہزار ووٹروں کو ریاست کی 243 اسمبلی نشستوں میں تقسیم کریں تو ہر حلقے سے تقریباً 3250 ووٹ کاٹے جا سکتے ہیں۔ ریاست میں 77,895 پولنگ اسٹیشن ہیں اور ہر اسمبلی حلقے میں اوسطاً 320 بوتھ ہیں۔ اب اگر ایک بوتھ سے صرف 10 ووٹ بھی غائب کیے جائیں تو پوری سیٹ پر 3200 ووٹ کم کیے جا سکتے ہیں۔‘‘

تیجسوی نے انتخابی اعداد و شمار کا حوالہ دیتے ہوئے کہا، ’’2015 کے اسمبلی انتخابات میں 3000 ووٹ سے کم فرق والی 15 نشستیں تھیں، جبکہ 2020 میں ایسی سیٹوں کی تعداد بڑھ کر 35 ہو گئی۔ اگر 5000 ووٹ سے کم فرق والی سیٹوں کو دیکھا جائے تو 2015 میں ایسی 32 اور 2020 میں 52 نشستیں تھیں۔‘‘