بی جے پی کا وقف بل اور سیکولرزم پر حملہ آئین کو کمزور کرنے کی سازش: ناصر حسین

کانگریس لیڈر نے مزید کہا کہ بی جے پی نے 2024 کے لوک سبھا انتخابات میں ’400 پار‘ کا نعرہ اس لیے دیا تھا تاکہ انہیں آئین میں بنیادی تبدیلیاں کرنے کا موقع مل سکے لیکن عوام نے کانگریس کے پیغام کو سمجھا اور بی جے پی کو مکمل اکثریت حاصل کرنے سے روک دیا، جس کے نتیجے میں بی جے پی کو آج اتحاد کی حکومت چلانی پڑ رہی ہے۔

ناصر حسین نے انکشاف کیا کہ پارلیمنٹ میں جب آئین پر بحث ہو رہی تھی، تو بی جے پی نے دو ترمیمات پر اعتراض کیا۔ ایک ترمیم میں زمین کی اصلاحات، ریزرویشن اور ہیٹ اسپیچ پر سخت موقف تھا، جبکہ دوسری میں سیکولرزم اور سوشلسٹ اقدار کا ذکر تھا۔ بی جے پی ان دونوں ترمیمات سے پریشان تھی کیونکہ وہ نہ تو غریبوں کو زمین دینا چاہتی ہے اور نہ ہی ریزرویشن کو مضبوط بنانا۔