بہار کے جہان آباد گورنمنٹ انجینئرنگ کالج کے ہاسٹل میں آتشزدگی، دھوئیں سے بیمار طلباء اسپتال میں بھرتی

فائر ڈیپارٹمنٹ کی ٹیم کے پہنچنے سے پہلے ہی آگ پر قابو پالیا گیا اور طبیعت خراب ہونے پر طلباء کو اسپتال لے جایا گیا۔ کہا جارہا ہے کہ اگر بروقت آس پاس کے لوگ مدد کے لیے آگے نہیں آتے تو بڑا حادثہ رونما ہو سکتا تھا۔ کالج میں آتشزدگی کے واقعے کے بعد سے ہاسٹل میں رہنے والے طلباء خوفزدہ ہیں۔ کئی طلباء نے ہاسٹل کے سیکورٹی سسٹم پر سوالات اٹھائے ہیں۔ کالج انتظامیہ نے واقعے کی تحقیقات کا حکم دے دیا ہے۔ ہاسٹل میں شارٹ سرکٹ کی تحقیقات کی جائیں گی۔ بجلی کے نظام کا بھی معائنہ کیا جائے گا۔