بہار میں ووٹر لسٹ کی نظرثانی کے خلاف پارلیمنٹ میں انڈیا اتحاد کا مظاہرہ، سونیا گاندھی نے بھی کی شرکت

اسی طرح لوک سبھا میں کانگریس کے نائب لیڈر گورو گوگوئی نے حکومت کی خاموشی پر سوال اٹھاتے ہوئے کہا، ’’اپوزیشن پچھلے تین دنوں سے احتجاج کر رہی ہے، مگر حکومت نے اب تک واضح نہیں کیا کہ آیا ایس آئی آر پر کوئی بحث ہوگی یا نہیں۔ وہ خاموش ہیں، اور عوام کے ووٹ کے حق کو چھیننے کی کوشش کر رہے ہیں۔‘‘

کانگریس لیڈر سکھجندر سنگھ رندھاوا نے الیکشن کمیشن پر براہ راست حملہ کرتے ہوئے کہا کہ اب یہ ادارہ غیرجانبدار نہیں رہا بلکہ ایک خاص پارٹی کا دفتر بن کر رہ گیا ہے۔ انہوں نے کہا، ’’کمیشن کو چاہیے کہ اپنے اندر جھانکے اور سابقہ چیف الیکشن کمشنرز سے سیکھے جنہوں نے کبھی کسی کے سامنے سر نہیں جھکایا۔‘‘