بہار میں ایک طرف انتخابی ہلچل، دوسری طرف بے روزگار نوجوانوں کے ساتھ کروڑوں روپے کی ٹھگی کا انکشاف

کیسے کی گئی ٹھگی؟

متاثرہ نوجوانوں کے مطابق کمپنی نے پہلے ویزا اور نوکری کا لالچ دے کر پاسپورٹ جمع کرایا اور 3,200 روپے میڈیکل فیس کے طور پر لیے۔ ویزا ملنے کے بعد 50,000 روپے اور ٹکٹ کنفرم ہونے پر مزید 40,000 روپے دینے کی شرط رکھی گئی۔ یوں ہر نوجوان سے تقریباً 90,000 روپے وصول کیے گئے۔ کمپنی نے ویزا اور ٹکٹ موبائل پر بھیجے، نوجوانوں نے خود اس کی تصدیق کی اور بعد میں ادائیگی کر دی۔ لیکن جیسے ہی وہ ممبئی فلائٹ کے لیے پہنچے، کمپنی کے ڈائریکٹرز کے موبائل فون بند ملے اور پتہ چلا کہ وہ فرار ہو چکے ہیں۔