بہار اسمبلی انتخابات میں معمولی ووٹوں کا کھیل، کئی امیدوار چند ووٹوں سے جیتے، کہیں فیصلہ آخری راؤنڈ تک معلق رہا

بختیارپور سے ایل جے پی (رام ولاس) کے ارون کمار نے 981 ووٹوں کے فرق سے کامیابی حاصل کی۔ انہیں 88,520 ووٹ ملے جبکہ آر جے ڈی کے انیردھ کمار نے 87,539 ووٹ حاصل کیے۔ انتخابی تجزیہ نگاروں کے مطابق یہاں مقامی سطح کے مسائل نے فیصلہ کن کردار ادا کیا۔

بودھ گیا کی نشست بھی سخت مقابلے کا مرکز بنی رہی۔ یہاں آر جے ڈی کے کمار سرو جیت نے 881 ووٹوں کے فرق سے جیت حاصل کی۔ انہیں 1,00,236 ووٹ ملے جبکہ ایل جے پی (رام ولاس) کے شیام دیو پاسوان نے 99,355 ووٹ حاصل کیے۔