بنگال سے ہوگی بی جے پی کے خاتمے کی شروعات: ممتا بنرجی

ریاستی وزیر اعلیٰ نے کہا کہ ’’میرے لوگ بھی رام نومی، درگا پوجا، کالی پوجا، چھٹھ پوجا، کرسمس اور عید مناتے ہیں۔ ہم تمام مذاہب اور ذاتوں کے لوگوں کے ساتھ مل کر مناتے ہیں، خواہ وہ ہندو ہوں، مسلم ہوں، عیسائی ہوں، سکھ ہوں یا پارسی۔ ہم سب کا احترام کرتے ہیں۔‘‘ ممتا بنرجی نے الیکشن کمیشن پر بھی سوال اٹھائے۔ انہوں نے الزام عائد کیا کہ ووٹر لسٹ کی خصوصی گہری نظر ثانی (ایس آئی آر) کے دوران نام ہٹائے جا رہے ہیں۔ یہ کام بی جے پی کے اشارے پر ہو رہا ہے۔ ساتھ ہی انہوں نے وارننگ دی کہ ہر چیز کی ایک حد ہوتی ہے، لیکن بی جے پی ہر حد پار کر چکی ہے۔