برطانوی ہاؤس آف لارڈز کے رکن اور معروف ماہرِ معاشیات میگھناد دیسائی کا انتقال

لارڈ دیسائی نے 1992 میں ایل ایس ای میں ’سینٹر فار دی اسٹڈی آف گلوبل گورننس‘ قائم کیا اور 1990 سے 1995 تک ایل ایس ای کے ڈیولپمنٹ اسٹڈیز انسٹیٹیوٹ کے بانی ڈائریکٹر بھی رہے۔ انہیں ہندوستان اور برطانیہ کے درمیان بہتر سفارتی، تعلیمی اور ثقافتی رشتے قائم کرنے میں ایک اہم محرک مانا جاتا ہے۔

لارڈ دیسائی کو ان کی خدمات کے اعتراف میں ہندوستان کی جانب سے 2008 میں پدم بھوشن سے نوازا گیا۔ ان کا تعلق ریاست گجرات سے تھا، جہاں ان کی پیدائش ہوئی۔ انہوں نے بامبے یونیورسٹی (موجودہ ممبئی یونیورسٹی) سے معاشیات میں ماسٹرز کیا اور بعد میں یونیورسٹی آف پینسلوانیا (امریکہ) سے پی ایچ ڈی مکمل کی۔