بالی وڈ کے لازوال اسٹار میکر اور معیاری سنیما کے علمبردار

رشی کیش مکھرجی کا شمار ان فلم سازوں میں ہوتا ہے جو زیادہ فلمیں بنانے کے بجائے کم مگر معیاری فلمیں بنانے کے قائل تھے۔ انہوں نے تین دہائیوں پر مشتمل اپنے کیریئر میں 13 فلمیں پروڈیوس اور 43 فلموں کی ہدایت کاری کی۔ ایڈیٹنگ، کہانی اور اسکرین پلے میں بھی ان کا بڑا حصہ رہا۔

27 اگست 2006 کو یہ عظیم فلمساز دنیا سے رخصت ہو گیا لیکن ان کی فلمیں آج بھی ناظرین کے دلوں پر نقش ہیں۔ ان کا سنیما نہ صرف تفریح فراہم کرتا ہے بلکہ سوچنے پر بھی مجبور کرتا ہے۔ وہ بالی وڈ کے ان چند ہدایت کاروں میں شامل ہیں جنہوں نے کامیڈی اور سماجی دونوں اصناف میں یکساں کمال دکھایا۔

(مآخذ: یو این آئی)