’ای ڈی-سی بی آئی کے دَم پر این ڈی اے عوامی نمائندوں کو ڈرا رہی‘، ووٹر ادھیکار یاترا سے تیجسوی اور ہیمنت سورین کا خطاب

ہیمنت سورین نے اپنی بات کو آگے بڑھاتے ہوئے کہا کہ ’’آج ہم نہیں جاگے تو کبھی نہیں جاگ پائیں گے۔ خواہ نوٹ بندی کی بات ہو، آفت کی بات ہو یا کسی اور مسئلہ کی بات ہو، ہر سطح پر ہمارے ملک کے کسانوں، قبائلیوں اور دلتوں کا استحصال ہو رہا ہے۔‘‘ وہ مزید کہتے ہیں کہ ’’آج پھوٹ ڈالو، سیاست کرو چل رہا ہے۔ پیسے کی طاقت کے دم پر عوامی نمائندوں کو ڈرایا جا رہا ہے۔ یہ انتخاب کوئی عام انتخاب نہیں ہے بلکہ بہار اور پورے ملک کو بچانے کا عزم ہے۔‘‘