این ایس یو آئی نے اٹھایا قابل تعریف قدم، 17 برس بعد دہلی یونیورسٹی اسٹوڈنٹس یونین کو مل سکتی ہے خاتون صدر

این ایس یو آئی کا کہنا ہے کہ یہ صرف انتخاب نہیں بلکہ دہلی یونیورسٹی میں طلبا سیاست کی سمت کو نئی شکل دینے کی مہم ہے۔ کانگریس کی اس طلبا تنظیم نے ڈوسو انتخابات کے لیے ’ہم بدلیں گے ڈی یو‘ نعرہ بھی دیا ہے۔ بہرحال، این ایس یو آئی کے ذریعہ صدر عہدہ کے لیے خاتون امیدوار کا نام پیش کیے جانے سے متعلق سیاسی مبصرین کا کہنا ہے کہ اگر جوسلین نندیتا فتح حاصل کرتی ہیں تو یہ دہلی یونیورسٹی میں خواتین کی شمولیت اور بااختیار بنانے کی ایک بڑی مثال ثابت ہوگی۔ اس صورت میں مستقبل میں طلبا سیاست کے نئے دور کا آغاز بھی ہوگا۔