ایمیزون، فلپ کارٹ، میشو اور میٹا پر غیر قانونی واکی ٹاکی فروخت کرنے پر جرمانہ

صارف امور کی سکریٹری ندھی کھرے نے وضاحت کی کہ صارفین کے حقوق کی خلاف ورزی، گمراہ کن اشتہارات اور غیر منصفانہ تجارتی طریقوں کے تحت میشو، میٹا پلیٹ فارمز، فلپ کارٹ اور ایمیزون پر دس دس لاکھ روپے کا جرمانہ عائد کیا گیا ہے، جبکہ دیگر چند پلیٹ فارموں پر ایک ایک لاکھ روپے کا جرمانہ لگایا گیا۔ انہوں نے بتایا کہ کچھ اداروں نے جرمانے کی رقم ادا کر دی ہے، تاہم چند پلیٹ فارموں کی جانب سے ادائیگی ابھی باقی ہے۔

اتھارٹی نے واضح کیا ہے کہ مستقبل میں اس طرح کی خلاف ورزیوں پر سخت کارروائی جاری رہے گی اور ای کامرس پلیٹ فارموں کو اس بات کا پابند بنایا جائے گا کہ وہ کسی بھی ریڈیو فریکوئنسی آلات کی فروخت سے قبل تمام قانونی تقاضوں کی مکمل پابندی کریں۔