ایل پی جی بحران سے سانگانیر کی 1000 فیکٹریاں متاثر، مزدوروں میں کورونا کی خوفناک یاد تازہ

مغربی ایشیا میں جنگ کی وجہ سے ملک گیر سطح پر ایل پی جی کا جو بحران پیدا ہوا ہے اس کا بڑا اثرگلابی شہر کہے جانے والے راجستھان کی راجدھانی جے پور میں بھی دیکھا جارہا ہے۔ یہاں کے سانگانیر صنعتی علاقے میں چل رہی 1,000 سے زیادہ ٹیکسٹائل پرنٹنگ فیکٹریوں میں تقریباً 90 فیصد کمپنیاں فی الحال کمرشل ایل پی جی سلنڈر کی قلت کی وجہ سے بند ہوگئی ہیں، مینوفیکچرنگ مکمل طور پر ٹھپ ہے۔ اس سے کاروباریوں کو روزانہ لاکھوں روپئے کا نقصان ہو رہا ہے جبکہ مزدور بے حال بیٹھے ہیں۔ کورونا وائرس وبا کے بعد اب ایک بار پھر مزدوروں کو نقل مکانی کی کا سامنا ہے۔